كشف محمود ممدوح، لاعب فريق مودرن سبورت، عن مثله الأعلى في الملاعب المصرية، مؤكدًا إعجابه الكبير بالمهاجم السابق للنادي الأهلي عماد متعب، كما تحدث عن كواليس تسجيله هدفًا مميزًا أمام فريق زد في الدوري المصري.
متعب مثل أعلى
قال ممدوح خلال تصريحاته ببرنامج «ستاد مصر»: «مثلي الأعلى في مصر الكابتن عماد متعب. بصراحة أنا بحب متعب جدًا، وأنا صغير كنت بتفرج عليه. هو ليه استايل معين في الملعب، وليه أهداف معينة كده، وبيجيب أجوان صعب إني أجيبها، بس إن شاء الله أتعلم منه وأجيبها».
إلهام من رونالدو
أضاف لاعب مودرن سبورت عن هدفه أمام زد: «أنا قبل ماتش زد كنت قاعد بالليل في الأوضة، اتفرجت على جون رونالدو في اليوفي، وقلت أنا نفسي أجيب جون زي ده. هو أكيد محدش هيطلع الجامب بتاع رونالدو، بس يبقى قريب منه».
وتابع: «وسبحان الله جاتلي في الماتش تاني يوم، ومترددتش لحظة إني أعملها، والحمد لله ربنا كرمني بيها وجت».
