كشف باسم علي، لاعب الأهلي السابق، تفاصيل استبعاده من الجهاز الفني لمنتخب مصر بعد اختياره ضمن الجهاز المعاون للمدير الفني الجديد علي ماهر، موضحًا أنه فوجئ بالقرار قبل انطلاق أول تدريب بنصف ساعة بسبب عدم حصوله على الرخصة التدريبية (A).
استبعاد مفاجئ قبل التدريب الأول
قال باسم علي في تصريحات تلفزيونية: «قبل التمرين بنص ساعة اتبلغت من كابتن علي ماهر إني مش هبقى موجود في الجهاز الفني للمنتخب، عشان أنا مش حاصل على الرخصة A وده مخالف لمعايير الكاف». وأضاف أنه كان يمتلك رخصتي (C) و(D) فقط، ولم يتواصل معه أي مسؤول في اتحاد الكرة بشأن اشتراط الرخصة (A) وقت اختياره.
علي ماهر كان حزينًا للقرار
أشار باسم علي إلى أن علي ماهر كان يشعر بالحزن أثناء إبلاغه بقرار الاستبعاد، قائلًا: «كابتن علي ماهر كان زعلان وهو بيبلغني بالقرار، وقالي أنا مش عاوزك تتضايق، ده خير ونصيب». وتوجه بالشكر لعلي ماهر على ثقته واختياره في الجهاز الفني رغم ما حدث.
دعم كامل للمدير الفني الجديد
أكد باسم علي أن تركيزه حاليًا ينصب على دعم علي ماهر، متمنيًا له التوفيق في مهمته الجديدة مع منتخب مصر، وقال: «قبل ما يكون مدربي وقبل ما أكون معاه في الجهاز الفني هو أخ كبير ليا، ربنا يكرمه ويبقى خير ليه ويحقق بداية موفقة بالفوز في ماتشين مالاوي، دي أهم حاجة عندي».
