أكد عمرو الجزار، لاعب الفريق الأول لكرة القدم بالنادي الأهلي، أن رسالة محمود الخطيب رئيس النادي للاعبي الفريق جاءت في توقيت مهم لتصحيح المسار بعد تراجع الأداء خلال الفترة الأخيرة.
اعتراف بالتقصير وضرورة التصحيح
قال الجزار في تصريحات تلفزيونية: "في تقصير وأي حد يقول غير كدة يبقى مبيقولش الحق، وهي كبوة ودي إشارة بتقول إن في حاجة غلط ولازم تقف عشان تعدل وتصلح من نفسك، وأكيد الأهلي هيرجع أقوى".
إشادة بدعم الخطيب للاعبين
أضاف لاعب الأهلي: "كابتن الخطيب شخص غيور جدًا على النادي، وهو شخص بسيط في المواقف اللي اتعاملت معاه فيها، ودايمًا موجود معانا وبيساندنا، ومفيش تكلفه في التعامل".
قميص الأهلي نعمة كبيرة
اختتم الجزار حديثه مؤكدًا على قيمة الانتماء للقلعة الحمراء: "المكان نعمة كبيرة من ربنا، ولازم تحافظ وتقدر قيمة تي شيرت الأهلي".
